ზოგადი ინფორმაცია  PET-ის ტესტის  შესახებ:

PET-ის არის კემბრიჯის უნივერისტეტის წინამოსამზადებელი ტესტი ინგლისურ ენაში, რომელიც ძირითადად, სკოლის მოსწავლეების ინგლისური ენის ცოდნას ამოწმებს, თუმცა სხვა შემთხვევებისთვისაც აქტიურად გამოიყენება.

PET-ის ჩაბარება შესაძლებელია როგორც კომპიუტერით, ასევე ქაღალდზე.

საერთოდ, ტესტის ორი ვარიანტი არსებობს: PET სკოლის მოსწავლეებისთვის და PET-ის ზოგადი ტესტი. მათ შორის განსხვავება მხოლოდ ისაა, რომ პირველ ვარიანტში მოცემული სავარჯიშოები და დავალებები სასკოლო სიტუაციაზეა მორგებული.

ტესტი სამი ნაწილისგან შედგება: კითხვისა და წერის ერთად, მოსმენისა და საუბრის.

PET-ის პირველი ნაწილი სტუდენტის კითხვისა და წერის უნარებს ამოწმებს. იგი 1 საათი და 30 წუთი გრძელდება და 5 კითხვისა და 3 წერის სექციას მოიცავს. კითხვის სექციებში სულ 35 შეკითხვაა მოცემული, ხოლო წერით სექციებში სტუდეტს: წინადადებების შევსება, 35 სიტყვიანი პასაჟისა და 100 სიტყვიანი თემის დაწერა ევალებათ. ამ ნაწილში მიღებული ქულები მთლიანი შეფასების 50%-ს შეადგენს. 

მოსმენის სექცია 4 ნაწილსა და 25 შეკითხვას მოიცავს. სტუდენტს ჩანაწერის მოსასმენად 30 წუთი აქვს გამოყოფილი, ხოლო დამატებით 6 წუთი პასუხების ჩასაწერად ეძლევა. ამ სექციაში მიღებული ქულები საბოლოო შეფასების 25%-ს წარმოადგენს.

მეტყველების ნაწილს 10-12 წუთი ეთმობა და სულ 4 სექციას მოიცავს. ტესტის ამ ნაწილზე გასვლა მხოლოდ წყვილად არის შესაძლებელი. ასე რომ, სტუდენტს თითოეულ სექციაში საუბარი უწევს, როგორც გამომცდელთან ასევე სხვა ჩამბარებელთანაც. ამ ნაწილში მიღებული ქულები საბოლოო შეფასების 25%-ს შეადგენს. 

სულ ტესტის სამი დონე არსებობს:

1.  A (A1 და A2) - საბაზისო მომხმარებელი;

2. B (B1 და B2) - დამოუკიდებელი მომხმარებელი; 

3. C (C1 და C2) - პროფესიონალი მომხმარებელი.

ქულები და ჩაბარების წესები:

ტესტში მაქსიმალური ქულა 100-ია, ხოლო მინიმალური - 70. 85. მისი წარმატებით ჩაბარების შემთხვევაში თქვენ მიიღებთ ევროპული სტანდარტის მიხედვით ინგლისური ენის ცოდნის: A, B ან C დონის  შესაბამისს სერთიფიკატს. 

საქართველოში  PET-ს „ბრიტანეთის საბჭო“ იბარებს და წელიწადში მხოლოდ ერთხელ, ივნისის პირველ ნახევარში, ტარდება. ტესტზე დარეგისტრირების ბოლო ვადა აპრილის შუა რიცხვებია.

PET-ის საფასური  135 ლარი და 50 თეთრია, ხოლო დაგვიანებული რეგისტრაციის შემთხვევაში დამატებით 58 ლარის გადახდა მოგიწევთ. ტესტის ონლაინ-შედეგები ივლისის დასაწყისში ხდება ცნობილი, სერთიფიკატები კი ივლისის ბოლოს გაიცემა.

ჩვენთან მომზადება:

სწავლების პერიოდში თანაბრად ექცევა ყურადღება PET-ის სამივე ნაწილის (Reading and Writing, Listening and Speaking) ჩვევების განვითარებას. კურსის პარალელურად გათვალისწინებულია პრაქტიკა კომპიუტერზე, რომელიც არის ჩვენი საჩუქარი და დამატებითი თანხის გადახდა არ მოგიწევთ.

კურსის მსვლეობისას ხდება რეალური ტესტებისა და სავარჯიშოების თანმიმდევრული გამოყენება. ჩვენს მიერ შემუშავებული სწავლების სისტემა იძლევა იმის საშუალებას, რომ დროის მოკლე მონაკვეთში მაქსიმალური შედეგი მიიღწეს.

ჩვენი სისტემა გულისხმობს მასწავლებლისა და ადმინისტრაციული პეროსნალის ერთობლივ მუშაობას იმისთვის, რომ სტუდენტის წარმატება გარატნირებული იყოს.

კურსის დაწყებამდე მსურველებმა უნდა გაიარონ ე.წ. დიაგნოსტიკური ტესტი, რომელიც საზღვრავს თქვენი ცოდნის დონეს და საშუალებას გვაძლევს შევარჩიოთ ოპტიმალური სასწავლო პროგრამა. 

ჩვენ გთავაზობთ როგორც ინდივიდუალურ, ასევე ჯგუფურ მეცადინეობებს და თქვენთვის მაქსიმალურად მოქნილ გრაფიკს. 

გარდა ამისა, თქვენ შეგიძლიათ გაიაროთ PET-ის კურსისთვის წინამოსამზადებელი პროგრამები ინგლისურ ენაში, შესაბამისი ცოდნისა და ჩვევების გამოსამუშავებლად.

კურსის საფასურში შედის სტუდენტების სასწავლო მასალებით უზრუნველყოფა. 

კურსზე ჩაწერა და ინგლისური ენის ტესტის ონლაინ რეჟიმში შევსება ამ ბმულზე შეგიძლიათ: http://www.ptg-georgia.com/enroll

კურსის დაწყებამდე საკონსულტაციო შეხვედრისას თქვენ დამატებით გაივლით PET-ის საბაზისო ცოდნის შესამოწმებელ ტესტს.

ჩვენი სტუდენტები: 

ჩვენი სტუდენტები იღებენ ისეთ მაღალ შეფასებასაც, როგორიცაა A.