ზოგადი ინფორმაცია  FCE-ის ტესტის  შესახებ:

FCE-ის არის კემბრიჯის უნივერისტეტის წინამოსამზადებელი ტესტი ინგლისურ ენაში, რომელიც საშუალოზე მაღალი დონის გამოცდად არის აღიარებული. მრავალი უნივერსიტეტი მსოფლიოს მასშტაბით FCE-ის სერტიფიკატს მიიჩნევს იმის დამადასტურებლად, რომ ტესტის ჩამბარებელს თავისუფლად შეუძლია ინგლისურ ენაზე როგორც სწავლა, ასევე მუშაობა. გარდა ამისა, იგი აღიარებულია, დამსაქმებლების მიერ ბიზნესსა და მენეჯმენტის სფეროში. 

FCE-ის ჩაბარება შესაძლებელია როგორც კომპიუტერით, ასევე ქაღალდზე.

ტესტი 5 ნაწილისგან შედეგება: კითხვა, წერა, ინგლისურის გამოყენება, მოსმენა და მეტყველება. 

კითხვის ნაწილს 1 საათი ეთმობა და 3 სექციისა და 30 შეკითხვას მოიცავს. მასში მიღებული ქულები საბოლოო შეფასების 20%-ს შეადგენს.  ამ ნაწილში ტესტის ჩამბარებელმა უნდა შეძლოს მხატვრული და არამხატვრული ლიტერატურიდან მოტანილი ფრაგმენტების სწორად აღქმა და გაანალიზება.

წერის ნაწილისთვის 1 საათი და 20 წუთია გამოყოფილი. იგი 2 სექციისგან შედგება და მასში მიღებული ქულები საბოლოო შეფასების 20%-ია. ამ ნაწილში ტესტის ჩამბარებელს ევალება ორი განსხვავებული ხასიათის წერილის დაწერა, რომელთაგან თითოეული შეიძლება იყოს მოკლე მოთხრობა, ფორმალური თუ არაფორმალური წერილი, სტატია ან ესსე. 

ინგლისურის გამოყენებას 45 წუთი აქვს დათმობილი. იგი 4 სექციად არის დაყოფილი და 42 შეკითხვას მოიცავს. მასში მიღებული ქულები საბოლოო შეფასების 20%-ს წარმოადგენს. ტესტის ეს ნაწილი ამოწმებს რამდენად კარგად იყენებს სტუდენტი ინგლისურ ენას გრამატიკისა და ლექსიკის თვალსაზრისით. 

მოსმენას 40 წუთი ეთმობა და 4 სექციისა და 30 შეკითხვისგან შედგება. მასში მიღებული ქულები საბოლოო შეფასების 20%-ია. ამ ნაწილში სტუდენტს მოსასმენად აძლევენ ფრაგმენტებს სხვადასხვა სატელევიზიო გადაცემებიდან, საზოგადოებრივსა და ყოფით თემებზე საუბრებიდან, სამეცნიერო შოუებიდან და ა.შ.. 

მეტყველების ნაწილისთვის 14 წუთია გამოყოფილი და 4 სექციას მოიცავს. ამ ნაწილში სტუდენტს საუბარი უწევს, როგორც გამომცდელთან, ასევე ტესტის სხვა ჩამბარებლებთანაც.  მასში მიღებული ქულები საბოლოო შეფასების 20%-ს შეადგენს. 

მთლიანად FCE-ის ჩასაბარებლად 3 საათი და 20 წუთია საჭირო. 

ქულები და ჩაბარების წესები:

საქართველოში  FCE-ს „ბრიტანეთის საბჭო“ იბარებს და წელიწადში მხოლოდ ერთხელ, ივნისის პირველ ნახევარში, ტარდება. ტესტზე დარეგისტრირების ბოლო ვადა აპრილის შუა რიცხვებია. FCE-ის საფასური 241 ლარი და 50 თეთრია. დაგვიანებული რეგისტრაციის შემთხვევაში კი დამატებით 58 ლარის გადახდა მოგიწევთ. ტესტის ონლაინ-შედეგები ივლისის ბოლოს ხდება ცნობილი, ხოლო სერთიფიკატები აგვისტოს დასაწყისში გაიცემა. 

FCE-ში ქულათა მაქსიმალური რაოდენობა  100-ია. მისი წარმატებით ჩაბარების შემთხვევაში თქვენ მიიღებთ ევროპული სტანდარტის მიხედვით ინგლისური ენის ცოდნის: A, B ან C დონის  შესაბამისს სერთიფიკატს. 

ჩვენთან მომზადება:

სწავლების პერიოდში თანაბრად ექცევა ყურადღება FCE-ის ხუთივე ნაწილის (Reading, Writing, Use of English, Listening and Speaking) ჩვევების განვითარებას. კურსის პარალელურად გათვალისწინებულია პრაქტიკა კომპიუტერზე, რომელიც არის ჩვენი საჩუქარი და დამატებითი თანხის გადახდა არ არის საჭირო.

კურსის მსვლეობისას ხდება რეალური ტესტებისა და სავარჯიშოების თანმიმდევრული გამოყენება. ჩვენს მიერ შემუშავებული სწავლების სისტემა იძლევა იმის საშუალებას, რომ დროის მოკლე მონაკვეთში მაქსიმალური შედეგის მიღწევა მოხდეს.

ჩვენი სისტემა გულისხმობს მასწავლებლისა და ადმინისტრაციული პეროსნალის ერთობლივ მუშაობას იმისთვის, რომ სტუდენტის წარმატება გარატნირებული იყოს.

კურსის დაწყებამდე მსურველებმა უნდა გაიარონ ე.წ. დიაგნოსტიკური ტესტი, რომელიც საზღვრავს თქვენი ცოდნის დონეს და საშუალებას გვაძლევს შევარჩიოთ ოპტიმალური სასწავლო პროგრამა.

ჩვენ გთავაზობთ როგორც ინდივიდუალურ, ასევე ჯგუფურ მეცადინეობებს და თქვენთვის მაქსიმალურად მოქნილ გრაფიკს.

გარდა ამისა, თქვენ შეგიძლიათ გაიაროთ FCE-ის კურსისთვის წინამოსამზადებელი პროგრამები ინგლისურ ენაში, შესაბამისი ცოდნისა და ჩვევების გამოსამუშავებლად.

კურსის საფასურში შედის სტუდენტების სასწავლო მასალებით უზრუნველყოფა.  

კურსზე ჩაწერა და ინგლისური ენის ტესტის ონლაინ რეჟიმში შევსება ამ ბმულზე შეგიძლიათ: http://www.ptg-georgia.com/enroll

კურსის დაწყებამდე საკონსულტაციო შეხვედრისას თქვენ დამატებით გაივლით FCE-ის საბაზისო ცოდნის შესამოწმებელ ტესტს.

ჩვენი სტუდენტები: 

ჩვენი სტუდენტები იღებენ ისეთ მაღალ შეფასებასაც, როგორიცაა A.