ზოგადი ინფორმაცია  CPE-ის ტესტის  შესახებ:

CPE-ის არის კემბრიჯის უნივერისტეტის უმაღლესი ხარისხის ტესტი ინგლისურ ენაში. ტესტი, ძირითადად, იმ სტუდენტებისთვის არის განკუთვნილი, რომლებმაც განსაკუთრებით, მაღალ დონეზე ინგლისური ენა იციან. 

CPE 5 ნაწილისგან შედგება: წაკითხულის გააზრება, წერა, ინგლისურის გამოყენება, მოსმენა და მეტყველება.

წაკითხულის გააზრებას 1 საათი და 30 წუთი ეთმობა. იგი 4 სექციასა და 40 შეკითხვას მოიცავს. ამ ნაწილში მოცემული მასალა სხვადასხვა სახის მხატვრული და სამეცნიერო ლიტერატურიდან დაჟურნალ-გაზეთებიდან არის ამოღებული. წაკითხულის გააზრებაში მიღებული ქულები საბოლოო შეფასების 20%-ს შეადგენს. 

წერის ნაწილისთვის 2 საათია გამოყოფილი. იგი 2 სექციას მოიცავს და ამოწმებს სტუდენტის ესსეების, ანგარიშების, შეთავაზებებისა და მიმოხილვების წერის შესაძლებლობებს. ამ ნაწილში მიღებული ქულები საბოლოო შედეგის 20%-ს წარმოადგენს. 

ინგლისურის გამოყენებას 1 საათი და 30 წუთი ეთმობა. იგი 5 სექციისა და 44 შეკითხვისგან შედგება და გვიჩვენებს ტესტის ჩამბარებლის უნარს შესაბამისს დროსა და ვითარებაში სხვადასხვა სახის სიტყვები და იდიომები სწორად გამოიყენოს. ამ ნაწილში მიღებული ქულები საბოლოო შეფასების 20%-ია. 

მოსმენის ნაწილისთვის 40 წუთია გამოყოფილი. იგი 4 სექციისა და 28 შეკითხვისგან შედგება. მასში მოცემული მოსასმენი მასალა სხვადასხვა სახის ინტერვიუებს, გამოსვლებსა და ლექციებს მოიცავს. ამ ნაწილში მიღებული ქულები საბოლოო შეფასების 20%-ს წარმოადგენს. 

მეტყველების ნაწილს 19 წუთი ეთმობა და 3 ნაწილისგან შედგება. იგი სტუდენტის ინგლისურად თავისუფლად საუბრის შესაძლებლობებს ამოწმებს.

მთლიანად CPE-ის ტესტის ჩასაბარებლად 6 საათია საჭირო. 

ქულები და ჩაბარების წესები:

საქართველოში  CPE-ს „ბრიტანეთის საბჭო“ იბარებს და წელიწადში მხოლოდ ერთხელ, ივნისის პირველ ნახევარში, ტარდება. ტესტზე დარეგისტრირების ბოლო ვადა აპრილის შუა რიცხვებია.

 CPE-ის საფასური 272 ლარია. დაგვიანებული რეგისტრაციის შემთხვევაში კი დამატებით 58 ლარის გადახდა მოგიწევთ. ტესტის ონლაინ-შედეგები ივლისის ბოლოს ხდება ცნობილი, ხოლო სერთიფიკატები აგვისტოს დასაწყისში გაიცემა.

ტესტში ქულათა მაქსიმალური რაოდენობა  100-ია. მისი წარმატებით ჩაბარების შემთხვევაში თქვენ მიიღებთ ევროპული სტანდარტის მიხედვით ინგლისური ენის ცოდნის: A, B ან C დონის  შესაბამისს სერთიფიკატს. 

ჩვენთან მომზადება:

სწავლების პერიოდში თანაბრად ექცევა ყურადღება CPE-ის ოთხივე ნაწილის (Reading, Writing, Use of English, Listening and Speaking) ჩვევების განვითარებას. კურსის პარალელურად გათვალისწინებულია პრაქტიკა კომპიუტერზე, რომელიც არის ჩვენი საჩუქარი და დამატებითი თანხის გადახდა არ არის საჭირო.

კურსის მსვლეობისას ხდება რეალური ტესტებისა და სავარჯიშოების თანმიმდევრული გამოყენება. ჩვენს მიერ შემუშავებული სწავლების სისტემა იძლევა იმის საშუალებას, რომ დროის მოკლე მონაკვეთში მაქსიმალური შედეგის მიღწევა იყოს შესაძლებელი. 

ჩვენი სისტემა გულისხმობს მასწავლებლისა და ადმინისტრაციული პეროსნალის ერთობლივ მუშაობას იმისთვის, რომ სტუდენტის წარმატება გარატნირებული იყოს.

კურსის დაწყებამდე მსურველებმა უნდა გაიარონ ე.წ. დიაგნოსტიკური ტესტი, რომელიც საზღვრავს თქვენი ცოდნის დონეს და საშუალებას გვაძლევს შევარჩიოთ ოპტიმალური სასწავლო პროგრამა.

ჩვენ გთავაზობთ როგორც ინდივიდუალურ, ასევე ჯგუფურ მეცადინეობებს და თქვენთვის მაქსიმალურად მოქნილ გრაფიკს.

გარდა ამისა, თქვენ შეგიძლიათ გაიაროთ CPE-ის კურსისთვის წინამოსამზადებელი პროგრამები ინგლისურ ენაში, შესაბამისი ცოდნისა და ჩვევების გამოსამუშავებლად.

კურსის საფასურში შედის სტუდენტების სასწავლო მასალებით უზრუნველყოფა. 

კურსზე ჩაწერა და ინგლისური ენის ტესტის ონლაინ რეჟიმში შევსება ამ ბმულზე შეგიძლიათ: http://www.ptg-georgia.com/enroll

კურსის დაწყებამდე საკონსულტაციო შეხვედრისას თქვენ დამატებით გაივლით CPE-ის საბაზისო ცოდნის შესამოწმებელ ვერბალურ და მათემატიკურ ტესტს.

ჩვენი სტუდენტები:

ჩვენი სტუდენტები იღებენ ისეთ მაღალ შეფასებასაც, როგორიცაა B.